About

Dagos Tabi ay mga salitang bicol na ang ibig sabihin ay tuloy po.  Obviously, ang may akda ay isang bicolano.  Mula sa baryo na tinaguriang black sand beaches – Sogod, na matatagpuan sa bayan ng Bacacay, nasasakupan ng lalawigan ng Albay.

Dagos Tabi . . . isang paanyaya na nagsasaad na halika, tuloy ka, matapos mong kumatok at buksan ang pinto ng blog na ito.

Dagos Tabi . . . tuloy ka sa aking kalooban hindi para makilala mo kung sino ako kundi sa iyong pagpasok sa aking loob ay maituro ko sa iyo ang isang nakakikilala sa’yo na nagnanais na makilala mo siya.  Sapagkat, ang makilala mo siya at handa kang pasakop sa kanya ay makabubuti para sa iyo.

Dagos Tabi . . . narito si Jesus.  Siya ang Liwanag!.

Dalangin ko’y nawa’y magkaroon ka ng personal na ugnayan sa kanya kahit sa maikling panahon ng iyong pananatili sa silid na ito upang sa iyong paglabas ay dala-dala mo siya sa iyong sarili at maaari mo ring ibahagi para sa iba.

Dios mabalos . . . salamat po!